Edhe pse Gjermaninë e shohim si një vend për punësim dhe rritje të ardhurash, duhet të na vijë keq për njerëzit që jetojnë aty.
Të paktën të marrim masat e duhura dhe mos infektojmë të tjerët.
Së fundmi Gjermania po bën të detyrueshëm testimin për koronavirus për këdo që kthehet nga vendet e rrezikut.
Ky vendim do të hyjë në fuqi në datën 8 gusht.
Nga kjo datë, gjithë ata persona që kthehen nga vendet me rrezikshmëri të lartë infektimi me Covid-19, do të mund të testohen falas në aeroport.
Në listën e vendeve të rrezikut është edhe Shqipëria dhe Kosova.
Madje nga këto vende po shkojnë në Gjermani një numër i konsiderueshëm të infektuarish.
Gazeta FAZ shkruan se për tre ditët e fundit të korrikut, nga Kosova kanë shkuar në Gjermani plot 608 persona të infektuar, numër rekord me diferencë të theksuar nga vendet e tjera.
Kurse nga Shqipëria kanë shkuar 47 persona.
Kjo tregon se situata në Shqipëri dhe Kosovë duhet të jetë e frikshme, për shkak se testimet janë tejet të pakëta.
Gjithashtu gjatë kësaj periudhe në Gjermani kanë hyrë 27 të infektuar nga Holanda, 20 nga Franca dhe 20 nga Austria.
/Gazetaatdheu.com/
