Gjermania e cilëson Shqipërinë si, vend “me rrezikshmëri të lartë”, për sa i përket situatës së koronavirusit.
Ambasada gjermane në Shqipëri ka paralajmëruar qytetarët e saj lidhur me udhëtimet drejt vendit tonë, duke paraqitur kornizën e situatës me pandeminë.
Ambasada informon se Shqipëria është vend me rrezikshmëri të lartë të COVID-19 bazuar në vlerësimet e institucioneve shëndetësore në Gjermani.
Në njoftimin zyrtar thuhet se, në Shqipëri nuk garantohet shërbim shëndetësor sipas standardeve gjermane.
Në rast kthimi nga Shqipëria, do të duhet karantinim 14 ditor në Gjermani.
Po ashtu, në dijeninë e ambasadës gjermane, Shqipëria ka mundësi të kufizuara testimi dhe nuk ka laboratore që të ofrojnë teste sipas dëshirës.
STATUSI NGA AMBASADA GJERMANE:
“+++ Paralajmërimi për udhëtime në Shqipëri vlen edhe më tej – pas kthimit në Gjermani vlejnë rregullat e karantinimit +++
Në rast kthimi, karantine 14-ditore: Nëse jeni duke udhëtuar nga Shqipëria për në Gjermani – me rrugë ajrore apo tokësore me autobus ose automjete private – jeni të detyruar që menjëherë pas kthimit të lajmëroni insitucionin kompetent shëndetësor në vendin tuaj të banimit/qëndrimit në Gjermani dhe t’i nënshtroheni një vetë-izolimi/karantine shtëpiake prej 14 ditësh.
Detyrimi për karantinë shtëpiake/vetë-izolim vlen për të gjithë nënshtetasit (edhe për ata gjermanë) dhe pavarësisht qëllimit të udhëtimit.
Shqipëria kategorizohet aktualisht nga institucionet kompetente shëndetësore gjermane si rajon me rrezikshmëri për shkak të situatës epidemiologjike të Covid-19″.
/Gazetaatdheu.com/
