Zinxhiri më i madh i ushqimit të shpejtë në botë, McDonald’s, po teston një dyqan vetëm me robotë që kryejnë punën, pas asnjë personel njerëzor në staf.
Restoranti në SHBA ka mënyra të shumta për porositjen dhe marrjen e tarifës. Një korsi e dedikuar për kalimin e automjetit ju lejon të porositni përpara dhe të merrni hamburgerë dhe pije në një vend bërë posaçrisht për nxjerrjen e porosive. Një punonjës automatik merr numrin e porosisë dhe është i disponueshëm për t’iu përgjigjur pyetjeve gjatë gjithë procesit, tha një zëdhënës i kompanisë.
Sa i përket pagesës mund të bëhet edhe me para cash ose kartë, ndërsa vendi ku merrni porosinë është bërë në mënyrë që mos të ilni nga makina, raportojnë mediat e huaja.
Për ata që shqetësohen se një restorant i automatizuar si ky do të eliminojë punët e nivelit fillestar, McDonald’s thotë se parashikon që ky format restoranti do të kërkojë një numër të krahasueshëm anëtarësh të ekipit me një dyqan tradicional. Punonjësit janë të nevojshëm për ndërveprim midis klientëve dhe ekipit të restorantit kur marrin porositë, ndihmojnë në përdorimin e kioskave me porosi dhe dërgimin e porosive në destinacion.
Pandemia e fundit e koronavirusit ka të ngjarë të kontribuojë në shpejtësinë e automatizimit që po shohim sot në industri si restorantet e ushqimit të shpejtë, tha ekonomisti Vance Ginn për The Texan. Ginn tha se pandemia ka çuar në vështirësi në gjetjen e punëtorëve, inflacioni ka rritur pagat e kërkuara nga punëtorët e nivelit fillestar dhe normat e larta të qarkullimit kanë rritur kostot për trajnim. Të kombinuar, këta faktorë kanë kontribuar në një përshpejtim në zbatimin e teknologjisë si vendndodhja e re e testimit të McDonald’s.
