Një gjuetar fantazmash mendon se është sulmuar nga një “shpirt i inatosur” gjatë një transmetimi të drejtpërdrejtë në Facebook.
Matt Paranormal ishte ulur në zyrën e tij në Wrexham, në Uells, të enjten (9 mars) kur shpirti e sulmoi.
Ai po përdorte një kuti Alice për të zbuluar entitetet paranormale, që është një lloj pajisje softuerike që përdoret në hetimet mbinatyrore për t’u folur të vdekurve. Kutia lëshoi fjalën “kërcënim” dhe “të dhunshëm” brenda minutave të para të transmetimit të drejtpërdrejtë. 35-vjeçari, baba i dy fëmijëve më pas i tha shpirtit: “nuk kam frikë prej teje. Nëse doni të më dëmtoni mua, ju lutemi ejani përpara.”
Hetuesi paranormal më pas ndjeu ‘gërvishtjen më të dhimbshme’ në gishtin e tij, doli nga dhoma dhe kur shikoi poshtë, pa gjak që i rridhte nga një plagë në dorën e djathtë. “Asnjë emër nuk u tha fare gjatë seancës, kështu që nuk jam i sigurt se cilët ishin shpirtrat”, tha ai.
Gjuetari i fantazmave është i njohur për blerjen e një kukulle me pamje të frikshme të quajtur Annie dhe ai beson se ajo mund të jetë e pushtuar. “Annie ishte në dhomë në atë moment, por unë nuk mund të konfirmoj nëse ishte apo jo kukulla që e bëri atë. E vetmja gjë që mund të imagjinoj është se ata nuk donin që unë të largohesha dhe ata e dinin se ishte hera e fundit që do të dilja drejtpërdrejt nga atje, sikur të ishte një paralajmërim”, tha ai.
Por ai nuk ishte aspak i frikësuar apo i shqetësuar dhe se kishte ‘pritur për tetë vjet’ që të ‘sulmohej nga një shpirt’.
