Gjykata e posaçme kundër Korrupsionit dhe Krimit të Organizuar ka liruar Ardian Docajn, njëri prej të dyshuarve për pengmarrjen e Jan Prengës.
GjKKO ka vendosur të ndryshojë masën e sigurisë nga “arrest me burg” në “detyrim paraqitje” pas kërkesës që ka bërë avokati i Doçajt, Tonin Prendi.
Ardian Doçaj u vetëdorëzua në polici 19 ditë pas pengmarrjes së Jan Prengës, pasi policia e shpalli në kërkim. Ai ndodhej në Austri dhe u kthye për t’u vetëdorëzuar.
Gjatë seancës gjyqësore për pengmarrjen dhe vrasjen e Jan Prengës ai ka thënë:
“Nuk kam lidhje, si njoh, kurrë nuk kam qenë i dënuar. Nuk i jam shmangur në asnjë moment drejtësisë, kam qenë jashtë shtetit, erdha u vetëdorëzua dhe kërkoj hetimin në gjendje të lirë”