Prokuroria ka kërkuar 30 ditë, por Gjykata ka vendosur 20 ditë burg për Jetnor Zhabolin. Kjo masë do të jetë në fuqi deri sa te dal ekspertiza mjeko-ligjore qe do te përcaktojë gjenden e shëndetit mendor. Gjatë seancës, Zhaboli ka deklaruar: E kam bërë për tu kujdesur për familjen time!.
Ndërkohë avokati ka kërkuar shtrimin e përkohshëm në spital, derisa sa t’i bëhet akt ekspertimi. 35-vjeçari Jetnor Zhaboli me profesion ekonomist, mbante të mbyllura brenda banesës nënën, bashkëshorten dhe fëmijët e tij të mitur. Çifti kishte dy fëmijë 5 dhe 9 vjeç.
Kur policia shkoi për të arrestuar Zhabolin në banesë gjetën kamera kudo në banesë, të dukshme dhe të fshehura, bllokues valësh. Ndërkohë edhe pse ndjehej e burgosur për 1 vit e gjysmë dhe e dhunuar psikologjikisht e fizikisht, gruaja nuk ka denoncuar pasi e donte burrin e saj.
Kjo jetesë i kishte shkaktuar stres bashkëshortes së tij e cila kishte tentuar vetëvrasjen si dhe kishte shkruar letra për familjaret e saj, ku iu linte lamtumirën dhe u kërkonte falje.
