Gjysmë milion izraelitë dolën në rrugë në javën e dhjetë radhazi të protestave kundër planeve të qeverisë së Benjamin Netanyahu për të riparuar sistemin gjyqësor të vendit.
Gati gjysma e protestuesve, rreth 240,000, u mblodhën në Tel Aviv, thanë organizatorët. Në Jerusalem, disa qindra demonstrues u mblodhën para shtëpisë së Presidentit Isaac Herzog. Ata mbanin flamuj izraelitë dhe brohorisnin slogane duke përfshirë “Izraeli nuk do të jetë diktaturë”, raporton CNN.
Protetuesit dhe kritikët për reformat e prezantuara nga Netayahu thonë se ai do të dobësonte gjykatat e vendit për të kontrolluar fuqinë e degëve të tjera të qeverisë së vendit.
Paketa e legjislacionit do t’i jepte parlamentit të Izraelit, Knesset, fuqinë për të anuluar vendimet e Gjykatës së Lartë me një shumicë të thjeshtë. Kjo do t’i jepte gjithashtu qeverisë fuqinë për të emëruar gjyqtarë, i cili aktualisht i përket një komiteti të përbërë nga gjyqtarë, ekspertë ligjorë dhe politikanë. Do të hiqte pushtetin dhe pavarësinë nga këshilltarët ligjorë të ministrive të qeverisë dhe do t’u hiqte fuqinë gjykatave për të shfuqizuar emërimet “të paarsyeshme” të qeverisë, siç bëri Gjykata e Lartë në janar, duke e detyruar Netanyahun të shkarkojë Ministrin e Brendshëm dhe Shëndetësisë, Aryeh Deri.
Kritikët akuzojnë gjithashtu Netanyahun se ka shtyrë legjislacionin në mënyrë që të dalë nga gjyqet e korrupsionit, me të cilat po përballet aktualisht. Netanyahu e mohon këtë, duke thënë se gjyqet po mbyllen vetë dhe se ndryshimet janë të nevojshme pas tejkalimit gjyqësor nga gjyqtarët e pazgjedhur.
Izraeli nuk ka një kushtetutë të shkruar, por një grup të atyre që quhen Ligje Themelore.
“Ne kemi mbaruar duke qenë të sjellshëm. Nëse ligjet që sugjerohen do të kalojnë, Izraeli nuk do të jetë më një demokraci”, tha Shikma Bressler, një udhëheqëse e protestave izraelite.
Rreth dy nga tre (66%) izraelitë besojnë se Gjykata e Lartë duhet të ketë fuqinë për të goditur ligjet që nuk përputhen me Ligjet Themelore të Izraelit dhe afërsisht e njëjta përqindje (63%) thonë se mbështesin sistemin aktual të emërimit të gjyqtarëve, sipas një sondazhi muajin e kaluar për Institutin e Demokracisë në Izrael.
“E vetmja gjë për të cilën interesohet kjo qeveri është shtypja e demokracisë izraelite,” tha kreu i opozitës dhe ish-kryeministri Yair Lapid.
