Haker-at kanë publikuar dokumente të tjera nga skedarët e Policisë së Shtetit për persona të dyshuar dhe kontingjent të përfshirë në krime.
MEMEX njihet edhe si Sistemi i Menaxhimit të Informacionit Kriminal dhe është mjeti kryesore në punën e Policisë së Shtetit ku mbahen të dhënat sekrete të policisë.
Nëpërmjet këtij sistemi bëhet marrja dhe trasmetimi i ngjarjeve kriminale si dhe të dhënave për personat e implikuar në këto ngjarje apo informacione.
Mes fotove të publikuara është dhe fotoja e biznesmenit të shumëkërkuar nga SPAK, Ervis Martinaj. Në foton e publikuar Martinaj është 24 ose 25 vjeç.
Ervis Martinaj rezulton i zhdukur dhe nuk dihet nëse ai është rrëmbyer dhe vrarë, ose nëse ka inskenuar vetë ngjarjen për të organizuar një kundërpërgjigje ndaj kundërshtarëve.
Ish-kryeministri Sali Berisha theksoi se janë ekspozuar 105 mijë emra shqiptarësh që janë nën hetim nga policia, të cilët janë paralajmëruar tashmë dhe mund të largohen lehtësisht nga vendi.
