Tre shtetas shqiptarë janë vënë në pranga të policisë italiane, pas grabitjes së farmacive.
Natën mes 8 dhe 9 tetorit, farmacia në Piazza Marinai d’Italia, në Oltreponte, u sulmua, e pas kësaj pati dy përpjekje të tjera në farmacitë e Balzola dhe Morano.
Grabitja e parë u realizua me sukses në Oltreponte, ku autorët morën një shumë të konsiderueshme prej rreth 5 mijë eurosh.
Përpjekja e dytë në Balzola dështoi për shkak të pranisë së pronarit, ndërsa e treta u ndalua nga ndërhyrja e policisë, ku dhe u arrestuan 3 shqiptarët.
Të tre shqiptarët, të cilët kishin precedentë penalë, u transferuan në burgun e Vercellit në orët e vona të mëngjesit.
