Një grabitje ka ndodhur paraditen e sotme në qytetin e Korçës.
Mësohet se një person nën kërcënimin e thikës ka mundur të marrë një sasi parash në një pikë dhënie kredish.
“Më datë 04.06.2020, rreth orës 12:00, në lagjen nr. 7, në një zyrë e cila shërben për dhënie kredie, ka hyrë një shtetas i paidentifikuar i cili duke ushtruar presion psikologjik punonjësve me një thikë, dyshohet se ka marrë një sasi lekësh dhe më pas është larguar me shpejtësi.
Grupi hetimor po punon për zbardhjen e rrethanave të ngjarjes.
Shërbimet e Policisë kanë rrethuar zonën dhe po vijonë kontrollet për kapjen e autorit.”-thuhet në njoftimin e policisë.