Shtëpia e këngëtares së mirënjohur shqiptare, Vaçe Zela ka rënë pre e vjedhjes. Persona ende të paidentifikuar nga policia, kanë vjedhur shtëpinë e këngëtares në Tiranë, e cila është ndarë nga jeta në muajin shkurt të vitit 2014.
Mësohet se autorët kanë marrë një medalje të Vaçe Zelës, një laptop, si dhe një ore të bashkëshortit.
Ngjarja u shënua një ditë më parë, teksa banesa ndodhet tek “Pazari i Ri” në kryeqytet. Ishte motra e këngëtares ajo e cila konstatoi vjedhjen në shtëpinë e këngëtares së njohur.
