I dërguari i Shteteve të Bashkuara të Amerikës për dialogun Kosovë-Serbi, Richard Grenell ka përshëndetur formimin e Qeverisë së re të Kosovës, në krye të cilës është Avdullah Hoti.
Në një komunikatë për media thuhet se Grenell pret të ketë partneritet me qeverinë e re për vazhdimin e dialogut me Serbinë.
“Ne e mirëpresim qeverinë e re të Kosovës dhe presim të kemi partneritet me ta për vazhdimin e dialogut me Serbinë”, tha Grenell.
Ndryshe, sot Kuvendi i Kosovës me 61 vota për votoi për Qeverinë Hoti.
Ai tha se Qeveria do t’i ketë dy prioritete: luftën kundër pandemisë COVID-19 dhe rimëkëmbjen ekonomike.
