Sërish ndryshime nga autoritetet greke përsa i përket kalimit në kufi.
Greqia ka ndërmarrë një seri masash për të zvogëluar numrin e të infektuarve në territorin e saj.
Kështu shtetasit grekë dhe ata që kanë leje qëndrimi në shtetin fqinj nuk do të mund të kalojnë të gjithë pas datës 15 gusht, pasi autoritetet kanë vendosur që vetëm 750 persona në ditë duhet të kalojnë kufirin nga Kakavia.
Po ashtu këta persona do duhet t’i nënshtrohen testit të koronavirusit dhe duhet të rezultojnë negativë në mënyrë që të kalojnë në Greqi.
Po ashtu sqarojnë mediat fqinje, shtetasit grekë nuk do mund të bëjnë testin të premten të kalojnë fundjavën në Shqipëri dhe më pas të kthehen sërish me të njëjtin test në vendin e tyre. Në këtë rast testi i parë është i pavlefshëm dhe do duhet që t’i nënshtrohen një tjetër testi.
/Gazetaatdheu.com/
