Rumania dhe Greqia kane arritur ne një marrëveshje të përbashkët duke pranuar çertifikatat e vaksinave të njëri-tjetrit në mënyrë që të hapin turizmin midis të dy vendeve sa më shpejt të jetë e mundur.
Ministri i Turizmit i Greqisë Harry Theocharis theksoi se është ‘i etur’ të hapë dyert e vendit për turistët rumunë përpara se Bashkimi Evropian të bie dakord për nisjen e pasaportave të veta të vaksinës.
“Ne me të vërtetë duam që BE të shtojë procedurën për lëshimin e asaj çertifikate shëndetësore të BE. Por deri atëherë, ne duam të kemi diskutime me ministrin rumun për turizmin në mënyrë që të mund të pranojmë turistë edhe para se të arrijmë një marrëveshje në një nivel evropian, “ vuri në dukje Theocharis.
Ministri grek i Turizmit shtoi se vendi po punon në pranimin e pasaportave të vaksinave të lëshuara nga autoritetet në Rumani.
Ai theksoi më parë se vendi pret të fillojë mirëpritjen e turistëve nga Rumania nga mesi i prillit, një muaj para njoftimit të Greqisë për t’u hapur për turistët, në 14 maj.
Theocharis gjithashtu theksoi se të gjithë personat që kanë marrë vaksinën kundër Coronavirusit dhe ata që kanë antitrupa ose tregojnë një rezultat negativ të COVID-19 do të lejohen të udhëtojnë në Greqi nga mesi i majit.
