Ish-Kryeministri Sali Berisha ka bërë deklaratën e fortë, teksa është shprehur se opozita dhe mazhoranca shqiptare ishin vënë në dijeni të deklaratës së kryeministrit grek, Kyriakos Mitsotakis, për zgjerimin e Greqisë me 12 milje në Detin Jon.
Në një lidhje direkte për emisionin “Opinion”, menjëherë pas kryeministrit Edi Rama, Berisha tha se opozita dhe mazhoranca ishin njoftuar nga vetë Greqia për deklaratën e Mitsotakis, sipas tij, një praktikë normale kjo mes dy shteteve.
“Gënjeu, mashtroi dhe nuk dha asnjë shpejgim. Ai ishte para jush si Kryeministri i dajres dhe kazanit. Qeveria greke ka notifikuar para deklaratës autoritetet shqiptare të dy krahëve, të pozitës dhe opozitës. Padiskutim që do ketë një deklaratë të tillë. Kjo ëstë praktikë normale e civilizuar dhe etike. Dhe këtë pala greke e ka përmbushur plotësisht. Tjetër punë se pala shqiptare fut kokën nën jorgan dhe thotë smë ka njoftuar”, u shpreh ish-kryeministri.
Berisha tha se në fakt është Rama ai që bashkë me Gjykatën Kushtetuese kreu një akt tradhtie, ndërsa akuzoi ushtarakun Myslym Pashaj për falsifikim të koordinatave dhe hartës që paraqiti në gjykatë. Gjithashtu Berisha tha se politika turke ndërhyri në Gjykatën Kushtetuese.
Berisha: Bashkë me gjykatën kanë kryer një akt të tradhtisë kombëtare. Një gjë ju kërkoj. Lexoni vendimin e gjykatës. Nëse gjeni një konkluzion të bazuar në ekspertizë, 100 herë ndjesë ju kërkoj. Asnjë ekspertizë. I vetmi dokument që është marr për bazë, është harta e një falsifikatori që i mbush xhepat tjetërkujt.
Fevziu: E keni për zotin Pashaj?
Berisha: Ai ka spostuar linjën bazë të koordinatave. 90 km e ka spotuar në territorin shqiptar dhe ka ndryshuar territorin shqiptar para gjykatës nga 38 km në 22 km.
Fevziu: Mendoni që ajo marrëveshje është më e mira?
Për më shumë bëhu pjesë e grupit më viral në Facebook, Dosja.al
I bindur të jesh ti, që marrëvceshje të atilla nuk do vijnë më. Marrëveshja është marrëveshje, nuk është ndarje në gjykatë. Në marrëveshje ti synon optimumin, nuk synon maksimumin, sepse po synove maksimumin pala tjetër të nxjerr më këpucë të kuqe.
Sali Berisha kishte parasysh që pala tjetër është me 6 milje, kur unë jam me 12 milje. Harrove këtë moment? Si ta thotë konsulenti ndërkombëtar: Greqia kishte asin nën mëngë për të kërkuar 12 milje.
Fevziu: Është përfshirë politika turke në Gjykatën Kushtetuese?
Pa dyshim, e kam thënë dhe e them. Megjithatë e rrëzoi Gjykata Kushtetuese.
