Greva e paralajmëruar nga dogana greke, ndryshon sërish orari i lëvizjes

Greva e paralajmëruar nga dogana greke, ndryshon…

Pala greke ka ndryshuar kushtet e regjimit të punës për 48 orët e grevës së paralajmëruar nga sindikata doganore helene, përsa i përket hyrje daljeve në pikën e kalimit kufitar të Kapshticës.

Paraprakisht mësohet se ka patur një komunikim zyrtar mes policisë kufitare greke të pikës së kalimit kufitar të Kristalopigji dhe policisë së Kapshticës. Pala greke i ka bërë me dije policisë sonë të kufirit se gjatë 48 orëve të grevës së data 2-4 Prill, do të ketë një ndryshim lidhur me lëvizjen e mjeteve të vogla të cilët do të lëvizin një orë gjatë 4 orëve, e thënë ndryshe, saktëson burimi, një orë për mjetet e vogla do të ketë hyrje – dalje normale ndërkohë që 3 orë të tjera trau ulet në të dyja anët e kufirit.

Kushtet e tjera të paralajmëruara mbeten të njëjta, që do të thotë se nga data 2-4 Prill nuk do të lejon hyrje daljet e automjeteve të tonazheve të rënda, të autobusëve dhe shërbimit taksi.

Nga ana e policisë sonë kufitare ky ndryshim i kushteve të grevës nuk përjashton mundësinë e krijimit të një fluksi dhe radhëve të gjata në kufi.

Policia greke ka bërë me dije se oraret e punës janë (me orën greke)

02/04/2024
06:00-07:00
10:00-11:00
14:00-15:00
18:00-19:00
22:00-23:00

03/04/2024
02:00-03:00
06:00-07:00
10:00-11:00
14:00-15:00
18:00-19:00

Nuk dihet nëse një njoftim të tillë ka pasur edhe për pikat e tjera kufitare që e lidhin Shqipërine me Greqinë

Më Të Klikuarat

Lajmet e fundit