Një grua 98-vjeçare me mbi 230 stërnipër u fotografua duke mbajtur stër-stërmbesën e saj për herë të parë. Fotoja emocionuese tregon gjashtë breza, me Cordelia Mae Hawkins, e njohur më mirë si MaeDell, e shtrirë në krevat. Në krahë ajo mban Zhavia Whitaker shtatë-javëshe, stër-stër mbesa e parë e MaeDell.
Familja Kentaki doli në krye të mediave këtë javë pasi fotografia u bë virale, me mbesën e MaeDell, Gracie Howell, duke folur për People. Se si arriti MaeDell të kishte kaq shumë pasardhës ju tregojmë se gjithçka filloi në vitin 1940 kur një MaeDell atëherë 16-vjeçare u martua me burrin e saj të parë, i cili në atë kohë ishte 50 vjeç.
Përveç 13 fëmijëve të tyre, ajo u bë njerka e 10 fëmijëve të tij nga një lidhje e mëparshme, të cilët lindën të gjithë fëmijë. Më pas fëmijët e fëmijëve vazhduan të sillnin në jetë foshnje duke shtuar numrin e pasardhësve të saj.
Fotoja u shpërnda në Facebook nga Gracie, e cila shkroi: “GJASHTË breza (të gjallë). MaeDell, Frances, Gracie, Jacqueline, Jaisline dhe Zhavia.” Duke parë fotografinë, ajo tha për median: “Ne menduam se kjo ishte e veçantë sepse të gjitha janë vajza”.
Ndonëse Hawkins, e cila aktualisht banon në një azil, do të mbushë 99 vjeç në korrik, Howell tha se ajo është ende e zgjuar sa duhet për moshën e saj.
