Një qytetare i është drejtuar redaksisë së JOQ Albania për të denoncuar vjedhjen e telefonit të saj, e cila është filmuar nga kamerat e sigurisë në Tiranën e Re, pranë Sheshit Wilson.
Ngjarja ka ndodhur sot rreth orës 12:00. Në pamjet filmike shihet një grua që afrohet për të blerë fruta-perime. Gjatë kohës që po bën blerjet, ajo i merr qytetares telefonin nga xhepi dhe e vendos mes produkteve. Pak çaste më vonë, gruaja e merr sërish celularin dhe largohet.
Denoncuesja thotë se gruaja nuk ka vepruar e vetme, por në bashkëpunim me një burrë që shfaqet në video dhe e ndihmon gjatë veprimit.
Qytetarja u bën thirrje të dyve që ta kthejnë telefonin brenda 24 orëve, në vendin ku është marrë. Ajo shprehet se e ka lokalizuar pajisjen dhe paralajmëron se, nëse telefoni nuk kthehet brenda këtij afati, do t’i drejtohet Policisë për të bërë denoncimin dhe për të ndjekur të gjitha procedurat ligjore.
<iframe width=”337″ height=”599″ src=”https://www.youtube.com/embed/ajrVCU70FeM” title=”Gruaja filmohet duke marrë me dinakëri celularin nga xhepi i qytetares” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
