Sipas raportimeve të fundit nga India, një grua po lufton për jetën pasi rrah brutalisht, u përdhunua në grup dhe u la e varur në një shtyllë në Indi, duke u menduar si e vdekur.
Viktima ishte rrethuar nga një grup meshkujsh teksa shkoi në tualet gjatë një dasme në shtëpinë e saj.
Gruaja u gjet e varur në një shtyllë në fshatin Chakhabib Rudhiya në veri të krahinës së Bihar të martën, njoftonin mediat shtetërore.
Fshatarët e tmerruar e kishin dërguar atë në spital, pasi e gjetën pa ndjenja dhe në gjendje të rëndë. Gruaja ishte sulmuar pasi kishte shkuar të përdorte një tualet të hapur. Sulmuesit e kishin tërhequr atë në një zonë të veçuar ku e kishin përdhunuar e rrahur.
Burrat e kishin kërcënuar me vdekje nëse rezistonte dhe kishin vjedhur bizhuteritë e saj, raportonin mediat lokale.
Kur besonin se gruaja kishte vdekur, ata e kishin varur trupin e saj në një shtyllë të linjave elektrike.
Sipas raportimeve të sotme gruaja është ende e pandërgjegjshme dhe në gjendje kritike. Ende asnjë arrestim nuk është bërë për ngjarjen por disa njerëz janë marrë në pyetje për incidentin. Këta të fundit u gjurmuan nga fshataret e tmerruar që i kishin dorëzuar në polici.
Të dyshuarit raportohet se janë punëtorë që kishin ngritur tenda për dasmën.
Sulmi i rëndë është përdhunimi më i fundit në Indi, ku një vajzë ose grua përdhunohet çdo 15 minuta sipas të dhënave vendore.
Vetëm në krahinën e Bihar të dhënat tregojnë se 1330 përdhunime u denoncuan në vitin 2020.
