Një grua nga Koreja e Jugut më në fund kaloi testin e autoshkollës, pas 960-të herëve që ishte përpjeku dhe pasi shpenzoi më shumë se 11,000 paund ose rreth 12,500 euro për të marrë patentën.
Cha Sa-soon, 69 vjeç, u përpoq për herë të parë në testin me shkrim në prill 2005 dhe pasi dështoi për herë të parë, ajo vazhdoi ta rimerrte atë çdo ditë, pesë ditë në javë, për tre vjet, duke arritur në toral me një total 780 përpjekje.
Më vonë ajo filloi të merrte testin vetëm dy herë në javë derisa më në fund e kaloi, përpara se të kalonte në testin praktik. Ajo e kaloi testin e shoferit. Gruaja nuk u dorëzua pasi i duhej licenca për biznesin e saj të shitjes së perimeve.
Instruktori i saj i vozitjes në Shkollën e Automjetit Jeonbuk tha se u ndje i lehtësuar kur Cha Sa-soon më në fund mori patentën.
“Kur më në fund mori licencën e saj, të gjithë dolëm duke brohoritur dhe e përqafuam, duke i dhënë lule. Ndihej si një barrë e madhe që na ra nga shpina. Nuk kishim guximin t’i thoshim të hiqte dorë sepse ajo vazhdonte të shfaqej”, tha ai.
Pas disa përpjekjeve për të bërë testin, gruaja u bë një e famshme kombëtare dhe u shfaq gjithashtu në një reklamë të Hyundai. Një prodhues i makinave të Koresë së Jugut Hyundai madje i dhuroi asaj një automjet të ri me vlerë pothuajse 13,000 euro (11,640 £).
