Policia ka dhënë më shumë detaje nga ngjarja e rëndë që ndodhi në Tepelenë, ku një burri qëlloi me thikë gruan dhe më pas veten. Policia bëri me dije se ngjarja ka ndodhur paraditen e sotme në lagjen “Selam Musai”, ku 42- vjeçari, Lulëzim Nanaj, ka goditur me thikë, bashkëshorten e tij 40 vjeçare, për shkaqe xhelozie.
Mësohet se Lulëzimi ka qenë në punë, ka marr leje nga pika e karburantit ku punonte duke i komunikuar se donte të shkonte deri në Vlorë, ndërkohë që ka shkuar në banesë dhe ka ndodhur ngjarja. Shkak i ngjarjes ka qenë çështje xhelozie nga ana e partnerit.
Ai ka 4 goditje në trup teksa ka tentuar të vras veten dhe është transportuar drejt Tiranës për kurim të specializuar.
Sakaq, gruaja e tij, Floreta Nanaj, ka marrë një goditje në veshka dhe pritet të transportohet drejt Tiranës, pasi ndodhet në rrezik për jetën. Mësohet se çifti ka një fëmijë të vogël.
