Grupi i hakerëve “Homeland Justice” pretendon se ka publikuar materiale që pretendohet se përmbajnë lista me numra telefoni të punonjësve të Shërbimit Informativ Shtetëror (SHISH). Publikimi ka ngritur shqetësime për sigurinë e të dhënave dhe ekspozimin e mundshëm të personave që punojnë në strukturat e shërbimit.
Nëse materialet rezultojnë autentike, publikimi i tyre mund të përbëjë një rrezik për sigurinë e agjentëve, burimeve dhe operacioneve të SHISH-it. Të dhënat e publikuara pritet të verifikohen nga institucionet përgjegjëse për të përcaktuar origjinën dhe autenticitetin e tyre.
Ndërkohë, mbetet e paqartë nëse listat e publikuara janë të plota dhe nëse të gjitha të dhënat u përkasin punonjësve aktualë të SHISH-it. Autoritetet pritet të vlerësojnë situatën dhe masat që duhet të ndërmerren për mbrojtjen e personave që mund të jenë prekur nga publikimi.
