Rajoni është përfshirë nga një valë e motit të keq që ka goditur të gjitha shtetet dhe që pritet që të vazhdojë gjithë javën. Harta e evolucionit të motit për orët në vazhdim tregon se situata pritet që të jetë e njëjtë me reshje shiu.
Sipas MetoAlb dhe meteorologes Adiola Bami e gjithë java që sapo ka nisur do të jetë me kushte të tilla, reshje shiu, dëbore dhe ulje temperaturash, që në zonat malore do të zbresin deri në -1 gradë. E premtja dhe fundjava përmirësojnë disi kushtet atmosferike.
Në Greqi prej pasdites së djeshme dhe deri në orët e para të ditës së sotme janë përmbytur me qindra shtëpi. Gjithashtu reshjet kanë shkaktuar dëmtim të rrugëve, ura të rrëzuara dhe probleme në rrjetin e furnizimit me ujë dhe prodhimet.
