Një ngjarje horror ka ndodhur në Kinë, ku një burrë ka vrarë ruan e tij duke i vënë flakën në një transmetim live. Gjykata vendosi ta dënojë më vdekje burrin.
Skena horror u transmetua live në rrjetet sociale, ku fillimisht burri e kishte lyer benzinë ??gruan, për t’i vendosur më pas flakën.
Rasti shkaktoi zemërim në të gjithë vendin dhe nxiti një debat të ri për dhunën ndaj grave.
Krimi i Tang Lu ishte “jashtëzakonisht mizor dhe ndikimi shoqëror ishte jashtëzakonisht i keq“, thuhej në deklaratën e gjykatës.
Lamu, një tibetian, kishte qindra mijëra ndjekës në Douyin, versioni kinez i TikTok.
Nëna e dy fëmijëve ishte e njohur për postimet e saj për jetën rurale dhe u vlerësua se nuk përdorte “make up” në videot e saj, të cilat kishin miliona pëlqime.
Videot e saj e tregonin atë duke kërkuar ushqim në male, apo me veshje tradicionale tibetiane.
Lamu u divorcua nga Tang, për të cilën gjykata tha se kishte një histori dhune ndaj saj, në qershor 2020, rreth tre muaj para sulmit fatal në shtëpinë e babait të saj.
Pas sulmit, ajo pësoi djegie në 90% të trupit të saj dhe vdiq dy javë më vonë.
Gjykata në prefekturën Aba, një zonë e largët rurale në jug-perëndim të provincës Sichuan ku jetojnë një numër i madh i tibetianëve etnikë, tha se Tang meritonte “ndëshkim të rëndë” në përputhje me ligjin.
