Një 50-vjeçar nga Larissa, i cili ishte diagnostikuar me koronavirus disa ditë më parë humbi betejën për jetën. Kjo është vdekja e parë nga virusi, jo vetëm në Larisa, por në Thesali. Me vdekjen e 50-vjeçarit shkon në 146 numri i viktimave nga koronavirusi në Greqi.
50-vjeçari u trajtua në Spitalin Universitar të Larissas, së pari në një repart me presion negativ dhe më pas kur gjendja e tij shëndetësore u përkeqësua u trajtua në ICU. Sidoqoftë, ai nuk mundi të rezistonte dhe të hënën pasdite ndërroi jetë.