Një nga neuropsikiatrët më të njohur shqiptar, prof. d.r Hiqmet Shqerra ka ndërruar jetë në moshën 82 vjecare, pas infektimit me koronavirus.
Ai ishte shtruar në spitalin Covid 3 dhe nuk ka mundur që t’i mbijetojë virusit të rrezikshëm.
Doktor Shqerra lindi në Elbasan në një familje autoktone dhe me tradita. Ai studioi në Fakultetin e Mjekësisë dhe u specializua në Degën e Psikiatrisë me rezultate të larta dhe më pas mori titujt akademikë.
Gjatë eksperiencës së tij 56-vjeçare si mjek neuropsikiatër, doktor Shqerra dha një kontribut shumë të rëndësishëm në trajtimin dhe kurimin e qindra pacientëve shqiptarë me probleme të shëndetit mendor.
Për 20 vite drejtoi Spitalin psikiatrik të Elbasanit ku u shqua për aftësitë e veçanta profesionale dhe komunikimin e jashtëzakonshëm human me pacientët, familjarët dhe të gjithë komunitetin.
