Një 22-vjeçar nga qyteti i Laçit humbi jetën tragjikisht në një aksident rrugor në aksin Laç-Patok.
Sipas informacioneve për mediat, i riu është shtetasi Redon Zefi, i cili humbi kontrollin e makinës dhe doli nga rruga.
Si pasojë e aksidentit, ai ndërroi jetë për shkak të plagëve të marra.
Policia po vijon hetimet për zbardhjen e plotë të ngjarjes.
Njoftimi i policisë:
Kurbin/Informacion paraprak
Në aksin rrugor Laç-Patok, drejtuesi i mjetit tip “Opel” shtetasi R.Z.,22 vjeç, banues në Laç, Kurbin ka humbur kontrollin e mjetit duke dalë nga rruga, ku për pasojë ka gjetur vdekjen.
Grupi hetimor në vendngjarje po punon për sqarimin e plotë të shkakut dhe rrethanave të ngjarjes.
