Një aksident me pasojë vdekjen e një personi është regjistruar mëngjesin e sotëm në aksin rrugor Pogradec–Qafë Thanë.
Sipas informacioneve paraprake, shtetasi A. B., 34 vjeç, ka humbur kontrollin mbi drejtimin e automjetit që po drejtonte, duke dalë nga rruga dhe përfunduar në liqen.
Fatkeqësisht, për shkak të dëmtimeve të marra, drejtuesi i mjetit ka ndërruar jetë në vendngjarje.
Grupi hetimor ndodhet në vendngjarje dhe, nën drejtimin e Prokurorisë, po punon për të sqaruar shkaqet e aksidentit dhe për të dokumentuar plotësisht rrethanat e ngjarjes.
Njoftimi i policisë:
Pogradec/Informacion paraprak
Mëngjesin e sotëm, në aksin rrugor “Pogradec-Qafë Thanë”, automjeti që drejtohej nga shtetasi A. B., 34 vjeç, dyshohet se si pasojë e humbjes së kontrollit mbi drejtimin e automjetit nga shtetasi A.B, automjeti ka dalë nga rruga dhe ka rënë në liqen. Drejtuesi i automjetit, shtetasi A.B, ka humbur jetëm.
