Një husky u nxorr i gjallë nga rrënojat në Turqi, 23 ditë pasi qëndroi i bllokuar nën një ndërtesë dykatëshe të shembur. Alex u nxorr nga rrënojat në Antakya në provincën e Hatay, pasi shpëtimtarët e dëgjuan ndërsa vijonin kërkimet.
Pavarësisht se kishte kaluar 23 ditë nën rrënoja, gjëja e parë që bëri këlyshi miqësor ishte lëpiu me gëzim fytyrën e shpëtimtarit të tij. Aleksi u dërgua në spitalin e kafshëve ku mori trajtim.
Ai kishte humbur peshë, por sërish ishte në gjendje të mirë shëndetësore, raporton Daily Mail.
Vullnetari i HAYTAP, Osman Polat tha: “Ishte vërtet një mrekulli. Është vërtet një mrekulli që ai mbijetoi në rrënoja për 22 ditë pa ngrënë apo pirë asgjë.”
Seria e tërmeteve shkatërruese kanë vrarë tani më shumë se 50,000 njerëz në Turqinë jugore dhe Sirinë veriore, me Hatayn, një nga provincat që është goditur më fort.
