Sulmuesi I Liverpool-it Luiz Diaz ka kaluar ditë të vështira kohët e fundit, pasi prindërit e tij u rrëmbyen të shtunën e 22 tetorit nga grupet mafioze të vendit.
Edhe pse policia fillimisht liroi mamanë e tij, i ati i futbollistit Luiz Manuel Diaz mbahet ende peng nga grupet guerrilse.
Kjo padyshim ka ndikuar edhe tek futbollisti kolumbian, i cili ka shënuar golin e barazimit të Livepool përballë Lutonit në Premier League.
Në festën e golit, nuk mungonte shkrimi në poshtë fanelës: Lironi babain tim. Një mesazh për grupet që të lirojnë babain e tij.
Sa i përket ndeshjes, goli i parë i sfidës erdhi nga vendasit pas një kundërsulmi vrastar ku sulmuesit holandez, Tahitch Chong dërgoi topin në rrjetë në minutën e 80’ të sfidës. Mirëpo teksa gjithçka po shkonte drejt një fitoreje të madhe të vendasve, Diaz vendosi barapeshën.
