Dy shqiptarë janë arrestuar ditën e sotme në Itali për shkak të trafikimit të drogës. Mediat italiane shkruajnë se dy personat e arrestuar janë Bledar Murrani 32-vjeç dhe Kujtim Doda 49-vjeç.
Hetimet për dy shqiptarët nisën në muajin tetor të vitit të kaluar dhe zgjatën deri në muajin mars. Karabinierët filluan ndjekjen e shqiptarëve pas vdekjes së një të riu 22-vjeçar, i cili vdiq nga mbidoza. Karabinierët i gjetën shqiptarët përmes kontakteve në telefonin e 22-vjeçarit.
Dy shqiptarët e kryenin aktivitetin e tyre të shitjes së kokainës dhe heroinës midis qytetit të Salsomaggiore Terme dhe Parmës. Sipas policisë ata i shisnin dozat më një çmim nga 60 euro deri në 80 euro. Së bashku ata pretëndohet që të kenë fituar rreth 19, 500 euro.