Tre të rinj shqiptarë janë árrestuar dje në Itali pasi akuzohen për vrásje me qëllim. Ata ákuzohen për vrásjen e adoleshentit Filippo Limoni.
I gjithë sherri filloi me disa ofendime dhe fyerje në parkingun afër një salle sportive. Ata goditën Filippo-n me grusht dhe e rrëzuan përtokë.
Shqiptarët ndodheshin brenda një makine tip “Opel” dhe mjeti i tyre u rrethua nga një grup adoleshentësh vendas.
Më pas shqiptari që drejtonte mjetin, i dha makinës duke kaluar sipër trupit të të riut italian, i cili për pasojë gjeti vdekjen.
Ndërkohë karabinierët kanë sekuestruar makinën, ndërsa tre shqiptarët rrezikojnë nga 10-18 vjet burg për vrasje me qëllim.
Shqiptari që ndodhej në timonin e makinës, ka mohuar akuzat, duke deklaruar se nuk kishte si qëllim të vriste adoleshentin.
Ai tha:
Nuk kisha për qëllim ta shtypja. Nuk e kuptova se çfarë ndodhi. Kur futa marshin indietro, ndjeva një goditje. Po përpiqesha të largohesha, pasi ata kishin rrethuar makinën.
