I kishte fshehur në gomën rezervë të “Hyundai”-it, kapet 41 vjeçari me mijëra euro të padeklaruara
Autori: A.P
Policia kufitare në Kakavijë ka ndaluar një automjet tip “Honday”, teksa gjatë kontrollit konstatuan të fshehura në gomën rezervë, 44. 500 euro. Mjeti drejtohej nga shtetasi . N., 41 vjeç, banues në fshatin Moravë, Berat, i cili u arrestua menjëherë pas kontrollit. Bëhet me dije se shuma e eurove të kapura nuk ishte deklaruar, ndërsa u sekuestruan në cilësinë e provës materiale.
Njoftimi i policisë:
Shërbimet e Policisë Kufitare në Kakavijë, si rezultat i shtimit të kontrolleve me qëllim parandalimin dhe goditjen e paligjshmërisë, bazuar në analizën e riskut, në dalje të RSH-së, kanë kaluar për kontroll në të detajuar në vijën e dytë, automjetin tip “Honday” me drejtues shtetasin A. N., 41 vjeç, banues në fshatin Moravë, Berat. Gjatë kontrollit të ushtruar në automjet, shërbimet e Policisë Kufitare gjetën të fshehura në gomën rezervë, 44. 500 euro, të cilat ky shtetas nuk i kishte deklaruar. Shuma e parave u sekuestrua në cilësinë e provës materiale. Drejtuesi i automjetit shtetasi A. N. u procedua penalisht për veprat penale “Mosdeklarimi i të hollave dhe sendeve me vlerë në kufi” dhe “Pastrim i produkteve të veprës penale ose veprimtarisë kriminale.