Jaden Smith ka një restorant në Los Anxhelos të quajtur “I Love You”. Ai e ka hapur këtë restorant me qëllim që të ndihmoj me nga një vakt ushqimi falas individët e pastrehë në zonën Skid Row!
Restoranti ofron vetëm ushqime vegane dhe synon t’u shërbejë njerëzve në nevojë, duke inkurajuar gjithashtu klientët që paguajnë të kontribuojnë duke paguar më shumë se kostoja aktuale e vaktit të tyre. Kështu ata mund të mbulojnë koston për një person tjetër që ka nevojë.
Kjo nismë bazohet në përpjekjet e mëparshme filantropike të Jaden, duke përfshirë shpërndarjen e ushqimit vegan falas përmes një kamioni ushqimor dhe partneritetin me organizatat për të siguruar ujë të pijshëm të pastër për komunitetet në nevojë.
