Ndërsa kafshët shtëpiake dihet që të ofrojnë lumturi dhe gëzim, ato gjithashtu mund të sjellin edhe surpriza të pakëndshme, të paktën për momentin. Kështu ka ndodhur me një burrë, i cili ka publikuar në Reddit, historinë më të pazakontë që mund të keni dëgjuar ndonjëherë.
Teksa tregon se pas fëmijës së parë me bashkëshorten e tij, ata të dy kishin plane për një pushim ku gruaja mund të merrte veten nga shtatzania, “dikush” kishte plane të tjera.
Dhe bëhet fjalë për macen e tij, të cilën ai e fajëson për shatëzaninë e dytë të bashkëshortes, duke i çarë atij prezervativët.
Burri tregon, se pas përdorimit të pilulave, kishin vendosur t’i ktheheshin prezervativëve, të cilët i mbanin në një sirtar, ku macja e tij shkonte shpesh, e hapte dhe luante me ç’të gjente.
Një ditë në sirtar, ai kishte parë qime të maces, por nuk i kishte kushtuar rëndësi.
Pas aktit seksual me gruan, çdo gjë kishte vijuar normalisht, mirëpo pas disa javësh gruaja e tij shfaqi shenjat e shtatëzanisë, të cilat ai i njihte shumë mirë nga përvoja e parë. Testi doli pozitiv dhe gruaja ishte sërish shtatzënë.
Burri shkoi në dhomë dhe hapi sirtarin ku mbaheshin prezervativët. Ai vërejti atje shenja dhëmbësh dhe thonjsh.
/JOQ/