Një adoleshent ka mbetur i plagosur mbrëmjen e sotme në qytetin e Vlorës. Ai është dërguar në spital për mjekim nga patrulla e policisë, e cila e ka gjetur të shtrirë në tokë.
Nga informacionet paraprake dyshohet se 15-vjeçari është goditur me kaçavidë në pjesën e qafës pas një konflikti në Lungomare, dhe fatmirësisht ndodhet jashtë rrezikut për jetën.
Nga ana tjetër policia ka nisur hetimet për zbardhjen e plotë të ngjarjes dhe identifikimin e autorit të plagosjes.