Analisti Mustafa Nano i bën thirrje kryeministrit Edi Rama, të reagojë për një ngjarje që ka ndodhur ditët e fundit në Tiranë. Një i ri që punonte në një lokal ku bëhej komedi në kryeqytet, është “zhdukur” për shkak të kërcënimeve sepse bëri humor me ezanin.
Madje, Nano thotë se edhe pronarët kanë mbyllur lokalin dhe janë larguar, për shkak të frikës.
Në fakt, bëhet fjalë për këtë video që ne po publikojmë më poshtë. Ajo ka nxitur reagime të shumta dhe të ashpra të personave që nuk e kanë marrë si komedi por si fyerhje ndaj fesë islame.
“Dikush pra, ka bërë ironi me ezanin. Dhe ky dikush është gjendur më pas nën një agresion të paparë online. E kanë sharë mbarë e mbrapsht, e kanë kërcënuar, deri edhe me vdekje. Nuk kam parë asnjë gazetar të shkojë t’i vërë mikrofonin te goja këtij djalit…
Nuk kam parë një raportim, ku të na thuhet se kush është ky djalë, ku është tani, është në Shqipëri apo e la për fare Shqipërinë. Kam dëgjuar që klubi është mbyllur, sidoqoftë, prej shqetësimit se mos talebanët tanë ndërmarrin hapa të rrezikshëm. Dhe pronarët janë larguar pa adresë. Prej frikës. Është situatë absurde, e pakuptueshnme, e pafalshme. Për mua, kryeministri shqiptar duhet të bëhet i gjallë e të dalë në mbrojtje të fjalës së lirë”, shkruan ndër të tjera Muç Nano.
