Një i ri shqiptar është gjetur i pajetë në ishullin e Kretës në Greqi, raportuan mediat helene.
22-vjecari u gjet i vdekur brenda banesës së një miku të tij, ku po qëndronte prej disa kohësh.
Pronari i banesës ka gjetur trupin e pajetë dhe më pas ka njoftuar autoritetet ndërsa në vendngjarje ka mbërritur ambulanca dhe policia lokale.
Mediat greke nuk japin detaje mbi shkaqet e vdekjes së 22-vjeçarit ndërkohë pritet përgjigja nga autopsia për të zbardhur ngjarjen e rëndë.
I riu kohët e fundit ishte liruar nga burgu dhe kishte shkuar në Kretë si mysafir në shtëpinë e mikut të tij.
