Një piktor ka sulmuar me thikë kuzhine shefin e tij dhe një punonjës mëngjesin e së shtunës.
Bëhet fjalë për një 33-vjeçar shqiptar, që sipas mediave gjermane thuhet se vuan nga probleme të shëndetit mendor.
Ai nxorri papritur një thikë kuzhine dhe i goditi. Dy persona u plagosën rëndë, ndërsa njëri prej tyre është ende në rrezik për jetën. “Gjendja e tij është ende jashtëzakonisht kritike,” thotë Stephan Beer, kreu i skuadrës së vrasjeve.
Shqiptari po hetohet për vrasje të mbetur në tentativë dy herë, jo vrasje nga pakujdesia. Sipas Beer-it, prokuroria publike e sheh karakteristikën e vrasjes si tinëzare.
Sipas policisë, dy të plagosurit kanë rrënjë kosovaro-serbe. Ata gjatë sulmit janë goditur disa herë nga autori, në qafë, gjoks dhe shpinë.
