Policia e Shkodrës ka arrestuar mbrëmjen e kësaj të hëne një person të shpallur në kërkim nga drejtësia italiane.
Mësohet se në prangat e bluve të qytetit verior ka përfunduar shtetasi 41-vjeçar, Bledar Cafi, i akuzuar në shtetin fqinj për pjesëmarrje në organizata kriminale.
Bledar Cafi së bashku me të vëllanë e vet kanë qenë subjekte të Operacioni Forca e Ligjit, pasi gjatë verës së kaluar u është dashur të justifikojnë pasurinë dhe bizneset që posedojnë në Shqipëri.