I vodhën motorin, korçari ultimatum hajdutit: Ktheje ku e more, ose do të denoncoj në polici!

Një qytetar nga Korça ka raportuar një rast vjedhjeje në redaksinë e JOQ Albania, ku ka treguar se motori i tij është vjedhur nga një person i panjohur.

Pronari i bën thirrje personit që e ka marrë motorin të kthejë në të njëjtin vend ku e mori, duke paralajmëruar se nëse kjo nuk ndodh, ai do të drejtohet në polici për ta denoncuar.

Ngjarja ka ndodhur pasditen e djeshme pranë teatrit “Andon Zako Çajupi” në Korçë.

Mesazhi i plotë i qytetarit:

“Prsh JOQ, mund të bëni një denoncim. Dje gjatë orës 4 e 20 të mbasdites më kanë vjedhur një motor. I bëj thirrje hajdutit ta kthejë atje ku e mori ose do e denoncoj në polici. Vjedhja ka ndodh mbrapa teatrit Andon Zako Çajupi në Korçë.”