![India lëshon misionin hapësinor për të studiuar…](https://tvanews.com/wp-content/uploads/2024/01/132168084_isroxposat-650x365.jpg)
Agjencia hapësinore e Indisë ka lëshuar me sukses një raketë që mban një observator që do të studiojë objekte astronomike si vrimat e zeza. Raketa u nis nga aeroporti hapësinor Sriharikota në orën lokale 09:10 të hënën. Ky është vetëm misioni i dytë në botë i kësaj natyre pasi NASA nisi një të tillë në vitin 2021.
Agjencia hapësinore tha se kjo do të ndihmojë shkencëtarët për të përmirësuar njohuritë e tyre për vrimat e zeza.
Një vrimë e zezë është një rajon i hapësirës ku materia e saj është e shembur. Tërheqja gravitacionale është aq e fortë sa asgjë, madje as drita, nuk mund të shpëtojë. Vrimat e zeza dalin nga zhdukja shpërthyese e disa yjeve të mëdhenj, dhe disa janë vërtet të mëdha ku madhësia e tyre miliarda herë më e madhe se masa e diellit tonë.
I ndërtuar me një kosto të përafërt prej 30 milion dollarësh sateliti XPoSat vlerësohet të ketë një jetëgjatësi prej pesë vjetësh. Sateliti polarimetrik me rreze X (XPoSat) do të synojë të kryejë kërkime të thella mbi vrimat e zeza.
Nisja e zhvilluar ditën e hënë është vetëm një nga disa projekte që Organizata Indiane e Kërkimit Hapësinor ka planifikuar të kryejë këtë vit.