Irani i cilësuar prej gjithë botës si një shtet terrorist, njoftoi se ka lëshuar urdhër-arresti ndërkombëtar për Presidentin amerikan Donald Trump.
Urdhëri është lëshuar për vrasjen e gjeneralit iranian Qassem Soleiman, raportojnë mediat iraniane.
Prokuroria e Teheranit tha se, 36 personat e përfshirë në vrasjen e gjenerali janë identifikuar, përfshirë edhe zyrtarët politik dhe ushtarak të SHBA-ve dhe vendeve të tjera.
Sipas medias qeveritare në Iran, ky vend ka kërkuar edhe ndihmën e “INTERPOL”-it për këtë mandat-arrest.
Ali Alghasi-Mehr, prokurori i përgjithshëm i Teheranit, përmendi emrin e Trump dhe 35 personave të tjerë të akuzuar për vrasjen e Qasem Soleimani.
Mbi Trump dhe personat e tjerë rëndon “akuza për vrasje dhe terrorizëm”.
Irani raportoi se, iu kërkua “INTERPOL”-it që të lëshonte një “njoftim të kuq” për ta.
Ky është dhe njoftimi i nivelit më të lartë që “INTERPOL” mund t’i lëshojë një individi për të kryer arrestimin e tij.
Trump, megjithatë, nuk ka asnjë rrezik arrestimi dhe është e pamundur që “INTERPOL”-i të respektojë kërkesën e Iranit.
Soleimani ishte krahu i jashtëm i operacioneve të trupave paraushtarake elitare të Gardës Revolucionare Islamike.
Administrata Trump e etiketoi atë si një terrorist, dhe Uashingtoni e konsideroi atë përgjegjës për vdekjen e qindra trupave amerikane në Irak.
Në janar 2020, 62-vjeçari Soleimani u vra në një sulm me dron të drejtuar nga SHBA-të.
Administrata Trump deri më tani nuk i është përgjigjur akuzës së Iranit.
Pas vrasjes, Ambasada e Shteteve të Bashkuara të Amerikës në Bagdad u godit nga 3 raketa, ku përgjegjësinë për këtë veprim e mori Garda Republikane e Iranit.
