Ish-gjyqtari i Gjykatës së Apelit të Tiranës Alaudin Malaj, raportohet se është arrestuar pak minuta më parë, te Liqeni Artificial në kryeqytet.
Malaj është cilësuar si ish-gjyqtari më i pasur në Shqipëri. Kur nisi procesi i vettingut, Malaj dha dorëheqjen duke iu shmangur përgjegjësisë për të deklaruar të ardhurat. CNA.al konfirmon arrestimin e ish-gjyqtarit.
Në vitin 2015, ILDKPI e ka kallëzuar për fshehje dhe pastrim parash, me një vlerë prej 1.7 milionë euro.
Shkaku i arrestimit të Malajt nuk dihet ende. Ai ëështë denoncuar disa herë nga persona të caktuar në qytetin e Vlorës, ndërsa ka kërkuar dhe mbrojtje për shkak të frikës se mund të eleminohej nga persona të lidhur me krimin e organizuar..News Bomb
