Një dhëndër indian dhe vëllai i tij më i madh janë vrarë si pasojë e një pakoje që shpërtheu. Pakoja i kishte ardhur si dhuratë martese për nusen që dyshohet se vinte nga ish i dashuri i nuses që ishte përbuzur më parë në shtëpinë e saj. Hemendra Maravi, 22 vjeç, i sapomartuar, dhe vëllai i tij Rajkumar, 30 vjeç, u hodhën në erë dhe dhëndri vdiq menjëherë nga shpërthimi, kurse Rajkumar humbi jetën nga plagët e marra pavarësisht përpjekjeve për ta shpëtuar.
Policia konfirmoi se dhurata e dasmës, e cila ishte e mbushur me eksploziv shpërtheu sapo u fut në energji elektrike. Ish i dashuri i nuses, Sarju Markham, 33 vjeç, akuzohet për vrasjen e çiftit, ndërsa policia zbuloi se ai mund ta ketë dërguar bombën nga inati që ajo po martohej me një burrë tjetër.
Incidenti tronditës që ndodhi në lagjen Kabirdham të Chhattisgarh më 3 prill, la të plagosur katër të tjerë, përfshirë një djalë 18 muajsh. 33-vjeçari, i cili është i martuar dhe ka dy fëmijë, sipas Times of India, u arrestua rreth 100 km nga vendi i bombës në shtetin fqinj të Madhya Pradesh.
Publikimi gjithashtu raporton se hetuesit thanë se sistemi i teatrit në shtëpi kishte 2 kg eksploziv të mbushur brenda altoparlantëve dhe se bomba ishte montuar me kujdes për të shpërthyer sapo të binte në kontakt elektrik.
Oficerët thanë se Markham mori pjesë në dasmën e 31 marsit dhe ia paraqiti dhuratën një anëtari të familjes pa u njohur para se të ikte. Dhurata u hap tre ditë më vonë.
Policia tha se Markham kishte qenë në një lidhje me nusen 29-vjeçare dhe këmbënguli që ajo të bëhej gruaja e tij e dytë.
