Ish-kryetarja e Gjykatës së Lartë, sot anëtare e Gjykatës së Apelit, Shpresa Beçaj, u përball sot me KPK në procesin e Vettingut.
Sipas KPK, Beçaj nuk ka depozituar në kohë disa prej formularëve për vetëvlerësimin profesional, madje edhe gjatë kohës që mban detyrën e gjyqtares së Apelit.
Sipas relativit të KPK, në 17 shkurt 2020 DSIK bëri me dije se Beçaj nuk ka firmosur deklaratën për kontrollin e figurës.
Në 24 shkurt 2020 KLGJ i ka thënë Komisionit që nuk rezulton qe të ishin dorëzuar formularët e kërkuar nga Shpresa Becaj.
Njëkohësisht, KLGJ njofton se kur hyri në fuqi ligji për rivlerësimin kalimtar ajo nuk ishte në funksionin e gjyqtares.
Beçaj ka sqaruar rrugën ligjore pas përfundimit të detyrës në Gjykatën e Lartë. Statusi i saj kur hyri në fuqi kur ligji nuk ishte i qartë.
“Unë e kam konsideruar veten time si gjyqtare, pasi nuk ka pasur asnjë akt që të konstatonte përfundimin apo ndërprerjen e statusit tim si gjyqtare, por nga ana tjetër unë nuk ushtroja funksionin e gjyqtares”, tha ajo.
Sipas Becajt, emërimin në Apel e ka marrë pasi kishin nisur efektet e ligjit për rivlerësimin.
Por Konkretisht KPK ka relatuar se:
“Beçaj, aktualisht gjyqtare Apeli nuk ka dorëzuar në ILDKPKI deklaratën e pasurisë brenda afatit ligjor dhe as më pas, për të mundësuar rivlerësimin, duke mos përmbushur detyrimet ligjore.
Ajo nuk ka depozituar në DSIK formularin e kërkuar brenda afatit ligjor e as më pas.
Ish-kryetarja e Gjykatës së Lartë, nuk ka dorëzuar ndonjë kërkesë në KPK për rivlerësimin e pasurisë, figurës dhe aftësive profesionale dhe nuk ka depozituar as ne KLD formularin për vetëvlerësimin profesional brenda afatit ligjor dhe as më pas”./abcnews/ /GazetaAtdheu.com/
