Skuadra e Bylis është në kërkim të një sulmuesi pas transferimit të Valentino Murataj te skuadra e Partizanit. Trajneri Veljko Dovedan ka arritur të bindë ish-sulmuesin e Partizanit të Beogradit Nemanja Kojić për t’u transferuar te skuadra e tij.
Sulmuesi, i cili në muajin shkurt mbush 31-vjeç, ka luajtur në Superligën serbe me Radnicki Nis, ndërsa këtë sezon ka shënuar tre gola në 16 ndeshje. Kojic ka dalë dy herë kampion në Serbi, kur luante me Partizanin e Beogradit.
Në janar të vitit 2013 ai u bë pjesë e gjigantit serb, pasi kishte spikatur me Rad Beograd. Në verën e vitit 2015, pasi kishte fituar titullin kampion, ai u largua drejt Turqisë.