Gjatë 24 orëve të fundit janë zhvilluar testime për të dyshuar që mund të jenë të infetuar me COVID-19 në Krujë, e cila është pjesë e zonave të kuqe, që janë shpallur nga ana e Ministrisë së Shëndetësisë.
Nga 47 testime që janë bërë në 24 orët e fundit kanë dalë 0 persona të infektuar me koronavirus, bëjnë me dije burime për Faxweb.al.
Një lajm i mirë ky për qytetin e Krujës, që së fundmi ishte kthyer në vatër të shpërthimit të infeksionit, për shkak të përhapjes së koronavirusit në disa fasoneri të këtij qyteti.
Ministria e Shëndetësisë bëri dje të ditur se në të gjithë vendin aktualisht janë 163 persona aktivë me COVID19, kryesisht ne Tiranë, Krujë, Shkodër, Kamëz.
Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 24 pacientë dhe vetëm 1 prej tyre është në terapi intensive.
