Ismet Drishti, një prej emrave më të njohur në vend për kamerat e fshehta ka realizuar një video në rrugët e Tiranës, ku lëviz me gomarin dhe kërkon që të futet në disa parqe të kryeqytetit. Kudo përballej me policinë që i thonin se ishte i bllòkuar për shkak të koronavirusit.
Konfliktin më të gjatë e pati me policët tek Liqeni Artificial ku u përball me punonjës që nuk kishin as emra, as numra në uniformat e tyre. Drishti nuk hiqte dorë dhe thoshte se nuk do të largohej pasi nuk kishin mjet identifikimi si punonjës policie.
Pati edhe pak konfrontim fizik ku polici i thoshte se do e shoqëronte në komisariat, Ismet Drishti reagoi fort duke i thënë që të mos e prekte me dorë.
Kur mbërriti një polic i identifikuar, Drishti i tregoi se gomarin e mbante me vete si kafshë shoqërimi dhe për këtë nuk pati asnjë problem.
Pjesë nga biseda:
Drishti: Po deri tek shiriti. Polici 1: Nuk lejohet. Drishti: Po pse nuk e ke vënë shiritin këtu. Polici 1: Po jam unë këtu. Drishti: Dmth ti je në vend të shiritit. Polici 1: Po normale. Drishti: Dmth ti bën punën e shiritit. Pse nuk lejohet? Pòlici 1: Me urdhër nga lart. Drishti: Ku është ky urdhri? Polici 1: Jam unë punonjës policie. Kthehu ose do marrësh masë? Drishti: Cfarë mase do marrësh? Zotëri mund të merrni informacion në organet përkatëse.
Polici 1: Po uniforma e policisë ka emër dhe numër. Kush jeni ju? Policja 2: Më vjen keq. Drishti: Unë nuk të njoh zonjushë, më nxirr emrin dhe numrin. Policja 2: Keni të drejtë. Drishti: Zonjushë kur kam të drejtë, përse më pengon? Polici 1: Zotëri do të të shoqëroj. Drishti: Kush je ti të më shoqërosh? Mos më prek me dorë zotëri.
Polici 3: Ku do shkoni me këtë? Drishti: Xhiro nëpër Tiranë, e kam kafshë shoqërimi. Dikush ka qenin, peshkun, majmunin, unë kam këtë. Pòlici 3: E kam kohën e kufizuar. Drishti: Këta kë përfaqësojnë? Polici 3: Janë kolegët e mi. jam në shërbim, nuk lejohet asnjë këmbësor dhe asnjë person me kafshë shtëpiake apo shoqëruese.
Drishti: Të lutem, ku të marr vesh që është pòlic. Nuk ka emër as numër. Këtë uniformë e blej në dyqan. Ku ta di që nuk janë kriminela? Polici 3: Ky është problemi i tyre, jo i juaji. Drishti: Mirë mirupafshim zotëria juaj.
