Një shofer shqiptar ka bërë një xhest vërtet fisnik fare pak çaste para se të ndërronte jetë në mënyrë tragjike, prej një goditje kardiake.
Kamionisti Shkelqim Boriçi, 63-vjeç, ndërroi jetë në Itali, gjatë transportimit drejt spitalit, pasi duke drejtuar automjetin u godit nga ataku kardiak, ndërsa ishte në timonin e kamionit të ngarkuar me mollë.
Megjithëse ambulanca mbërriti në kohë përsëri ai nuk arriti të mbijetojë. Ai ishte duke udhëtuar përgjatë rrugës “Castelaz”, në momentin kur gjendja e tij shëndetësore u përkeqësua.
Me gjithë fuqitë që pati ai arriti të manovrojë kamionin nga rruga për të shmangur aksidente të mundshme me mjetet e tjera. Telefonata ndaj ambulancës u bë nga disa çiklistë që panë makinën të dalë nga rruga.
Ambulanca mbërriti menjëherë në vendin e ngjarjes por për fat të keq Shkëlqimi nuk arriti të mbijetojë dhe zemra e tij ndali rrugës për në spitalin “Santa Chiara”.
Të gjithë kanë vlerësuar altruizmin e burrit i cili pavarësisht gjendjes së rëndë shëndetësore ka mundur të shmangë një aksident që mund të ishte fatal edhe për shumë përdorues të tjerë të rrugës./ Burimi: giornaletrentino.it/ Përshtati: JOQ-Albania/